第二日去MEGA BOX掃貨，由於時間關係，今次一於係係九展搵食．．．

門口已有大大張海報宣傳套餐．．．又好似幾抵食喎．．．

由於地點比較偏僻，晚市黃金時段人流亦不多，而且坐位寬敞舒適，岩岩掃完貨就岩晒啦，夠晒位放戰利品嘛．．呵呵．．．．

一人一杯鮮榨橙汁．．．正！好好味！！

雞燉翅（食完已經充滿力量啦！！）

炆鮑魚

桂花蜜燒銀杏蝦球 - 味道淡左少少，白果又無去芯．．．

紫羅炒帶子，子薑爽身又無渣加上用新鮮菠蘿．．得呀！！

桃珠腰果炒鮑螺 - 送飯一流！

椒鹽百花釀墨魚仔 - 夠香口！

糖水 - 花旗蔘海底椰，蔘味香濃，甜度適中！掂呀！！

據聞依個優惠套餐已經做完，而家好似做緊粵式自助晚餐，去開附近不彷一試！