究竟女人買野時有幾瘋狂呢？！
上星期三跟christina到九龍灣展貿中心的AIGLE開倉日，親身感受一下「血拼」既威力．．．．．．
當日由Team B隊長Joe Law帶領，講解血拼策略之後，一出閘「笠」了個環保袋，各隊員就拼命地將心頭好向袋中猛塞．．．．．
據隊長Joe Law透露．．．係佢血拼途中，聽見女職員用大聲公「尋人」，原來有位太太唔見左老公，到底係太太顧住買野而遺失左老公．．．．定係老公買野買到連老婆都唔理呢？！
無論你入場果刻有幾冷靜與機智都好！最終結局．．．你都係會不理儀態係一班暴龍哥C奶與一群身穿夢特嬌阿叔當中爭過你死我活．．．
當我好興奮的拎住最後一件36碼．．．大特價三折的夾棉褸時，非常心急地拉開拉鍊，那件褸好不「生性」！！！拉鍊卡住了！！！！我開始喪失理智的不斷拉、扯、拆、抓．．．．．．．（天呀！）
我只聽到隊長Joe Law不停叫我：「包包！冷靜Ｄ！冷靜Ｄ呀！．．．冷靜Ｄ！．．．」最終都要由隊長出馬．．．
好彩．．．．．經過四小時與一眾C奶與阿叔博鬥後，大家收獲都不錯！
而晚上跟布甸媽食晚飯，我地當然繪影繪聲的形容有幾「平、靚、正」！加上有戰利品實物拎上手，引得佢都心癢癢！於是星期四晚大家放工報再飛撲入九龍灣再下一城．．．
一心以為隊長會繼續蟬聯佢「買野精」的寶座，點知由後勁凌厲的布甸媽趕上，而且仲要跑嬴幾條街添！（Joe Law．．．．．你都係要買番個衣櫃啦！有位放就可以繼續買啦！）
今次連我都跑第二！勁呀！！
男裝快乾衫（$330／$132）
女裝快乾衫／快乾褲（$190／$275）
令我失控的夾棉褸．．．可以改裝為背心！一物二用，不愧我為它狂！！好！買得好！！（繼續喪失理智）（$585）
Groe-Tex風褸／游水短褲（$594／$158）
我愛不釋手的小小斜袋（$275）
其實早係假期前一日，我自己都做左個熱身咁囉．．．（唔係點跑嬴隊長Joe Law呢？！）
咁間間都係50% OFF，叫我點忍呢？？？（大家都係女人．．你明架啦！）
運動Top（$140／$148）
運動長褲（$140／$254）
Well．．．．．．今個月出左咁多血，荷包重創！！
而家只剩番一殼眼淚！！
