等左成年，終於又到遊船河的季節，今次遇著「浪卡」這個不速之客，出發前兩日驚到有得震、無得訓！「船河先黎落雨，唔通連個天都唔鐘意我？！」

好彩太陽叔叔超時工作黎"照住"我地，捱到回程時先收工，無做足防晒措施的我仲晒到紅卜卜添！

妹妹、布甸、太郎、pride：船河？！We are ready ~~~~

妹妹熱切的眼神，再加Pride Pride的電眼．．．．各位少男企得穩無呀？！

兩年無見的朋友仔鈍鈍，我仲記錯佢個名叫矇矇添～（硬係覺得鈍同矇都係差唔多！）

十足十餅印一樣？！

原來樂樂（後）是鈍鈍（前）主人新收養的唐狗，雖然體型、毛色、樣貌九成相似，但是並無血緣關係！他們的主人都分別於不同時間、地點收養的。緣份，真的很神奇呀！！

鈍鈍(靜雞雞的同Joker咬耳仔)：可唔可以介紹依個靚女比我識呀？

思思：我都知我好索，不過想date我，要問準我父母親先得喎！

第一次參加船河派對的Kiki & Soso！斯文、淡定．．．實有錢剩！

羅家的Joey都是「處女下海」，一樣無失禮架，好快已經當正自己屋企一樣！

樂樂比較怕水，乖乖的坐定等主人

狗界超模布甸漫步沙灘，確係養眼！

一班老唐玩得相當投契

Joey 對鈍鈍特別感興趣，全日跟著鈍鈍又跑又跳！（Joe Law...女生外向呀！）

雖然早幾日又打風又落大雨，但海水都仲幾清喎~

Winne：想當年呀~舊屎果陣....我都係帶埋依張浮床嫁入吳家架！

樂B：咁阿媽你同張床一都樣............................keep得好好喎！嘻嘻～（不愧為最乖果隻，咁又真係好易令人眼紅既！）

太郎對依個新玩具真係愛不釋「口」喎~

天公造美，無論係人定係狗都玩得非常盡慶，回程時大家都虛脫咁滯！