今早突然收到通知，要與Adm的另一Team（Finical）的同事開會，平時很少會有這種會議，已心知不妙，原來又係幾位頭子（分別是我老闆、那Team的主管及他Assistant - A小姐）開戰了，還將兩Team同事亦一同拉下水（包括我這個矮小的職員在內），實行來一個文革性批鬥．．．
那Team同事的工作方式．．．都略有所聞（有部份仲係親身感受添！），實在很難相信這個電腦化的年代，還要用人手、hardcopy來對票，人手填果幾百份稅表（唔係我有份幫手我都唔會信！！），糧又出錯（個個月都錯），MPF供了四月又唔供五月．．．．最離譜係未經大老闆批准，就私自將自己Team的會計助理加了人工！（係咪Unbelievable呢？）
到有同事發覺出錯，佢地既態度更加令你嘆為觀止！！
有同事理應在上月加薪，但今個月打簿後依然是舊人工，於是拎住支票向A小姐查詢，A小姐眼尾都唔望下佢話：下個月加番比你囉！（嘩．．．真係NFI囉！）
難得做的那位同事錯，Check的同事又查不到，主管又無發覺，基本上無人發現就可以不了了之．．．可惜我老闆最擅長找錯處，小小一個錯別字、標點符號也逃不過她的法眼，每次我老闆與那對孖寶總是為那些錯處鬧得好不愉快，久而久之．．．．那對孖寶都視我老闆為死敵。
近日那對孖寶又不滿我老闆處處都找到他們錯處（唔岩既係我老闆囉？！），每次交來的文件改了一次還錯，退回再改再錯，老闆與他們電話交涉，他／她的回應是"xx......你想點呀？！"、"xx......你好啦喎！！"、"我唔鐘意同你講野呀！！"．．然後Cut線，OK！！Fine．．．唯有向大老闆報告，於是大老闆招開會議本想調停紛爭．．．．
可惜大老闆一向採取懷柔政策，那對孖寶態度更加囂張放縱，連大老闆都不放在眼內！！
A小姐說得激動時還碌大雙眼、豎起三隻手指：我向燈火發誓．．．我無講過"我唔鐘意同你講野呀！！" 依句說話，我係基督徒唔會講大話既！
頂！！我同幾位同事都拿拿聲望下頭頂支光管有冇爆呀．．．．嚇得我地丫！！！！
,呢d係無可能錯的事,抄得架喎....!!
(其實係我懶....haha)
